జూ కీపర్

 

----
ఏ సినిమా అయినా హీరోయిజంను ఎక్స్‌పోజ్ చేయడానికే ప్రయత్నిస్తుంది. హీరోలో అంత సత్తా లేనప్పుడు జంతువులు ప్రధాన పాత్రలుగా వచ్చి ఆ కొరతను పూరిస్తాయి. ఆ ధోరణి ఇప్పడు పాతబడిపోయింది. ఇప్పుడు దాని స్థానంలో జంతువులు మనుషులతో మాట్లాడి అతడి కర్తవ్యాన్ని బోధించడం లేదా అతనికి స్నేహితులుగా మారి సహాయం చేస్తూ కథను రక్తి కట్టించడం సరదాగా ఉండి పిల్లలతోపాటు పెద్దలను కూడా ఆకర్షిస్తున్నాయి. ఇవన్నీ ఫాంటసీ సినిమాలలో ప్రవేశపెట్టిన కొత్త ధోరణిగా భావించవచ్చు. గతంలో వచ్చిన ‘డాక్టర్ డూ లిటిల్, నైట్ అట్ ది మ్యూజియం’ చిత్రాలు ఆ కోవకే చెందుతాయి. ఇప్పుడు కొత్తగా వచ్చిన ‘జూ కీపర్’ చిత్రం కూడా అలాంటిదే.
‘జూ కీపర్’ (జంతు ప్రదర్శన శాలలో జంతువులను పర్యవేక్షించేవాడు)గా పనిచేసే గ్రిఫిన్ తను ప్రాణప్రదంగా ప్రేమించిన స్ట్ఫోనియాను పెళ్లి చేసుకోవాలనుకుంటాడు. కానీ ఆమెకు జూ కీపర్‌గా పనిచేసే గ్రిపిన్ పట్ల ఆసక్తి ఉండదు. డబ్బును విచ్చలవిడిగా వెదజల్లడంతోపాటు తాను మోడలింగ్ రంగంలో ఎదగడానికి సహకరించే కలల రాకుమారుడి కోసం ఎదురు చూస్తుంటుంది. అయిదు సంవత్సరాల తర్వాత, గ్రిఫిన్ ప్రధాన జూ కీపర్‌గా ఎదుగుతాడు. తన ఉద్యోగాన్ని అమితంగా ప్రేమించే గ్రిఫిన్ జంతువులపట్ల ప్రేమగా, తీయగా ఉంటూ వాటి అభిమానాన్ని చూరగొంటాడు. గ్రిఫిన్ తన బ్రదర్ డేవ్ పెళ్లి సందర్భంగా జూలో ఏర్పాటుచేసిన పార్టీకి స్ట్ఫెయానా రావడంతో పాత స్మృతులు జ్ఞాపకం వచ్చి ఉక్కిరి బిక్కిరవుతాడు. ఆమె కొత్త బాయ్‌ఫ్రెండ్‌ను తరిమేసి, ఆమె ప్రేమ ఎలా పొందాలో ఆలోచిస్తుంటాడు. అప్పడు డేవ్, గ్రిఫిన్ తనజూ వదిలి తనతో వచ్చి కారు డీలర్‌షిప్ తీసుకుంటే స్ట్ఫెయానా మనసు మారే అవకాశముంటుందని నచ్చచెబుతాడు. ఇది విన్న జూ జంతువులన్నీ సమావేశమై బెస్ట్ జూ కీపర్‌గా తమ అభిమానాన్ని చూరగొన్న గ్రిఫిన్‌ను వదులుకోవద్దని తలుస్తాయి. స్ట్ఫోనియా హృదయం గెలుచుకోవడానికి గాను గ్రిఫిన్‌కు తోడ్పడాలని నిర్ణయిస్తాయి. కాని అవి చేసిన కొన్ని ప్రయత్నాలు విఫలం కాగా, అవి గ్రిఫిన్‌తో నేరుగా మాట్లాడి అతనికి సహాయం చేయాలనుకుంటాయి. ఆ జంతువులు తనతో మాట్లాడడం చూసి గ్రిఫిన్ ముందు గాబరా పడినా తర్వాత సర్దుకుని వాటితో స్నేహం చేస్తాడు. అప్పుడు ఎలుగుబంట్లు ఎలా జతకూడాలో అతనికి తెలియజేస్తాయి. సింహం శత్రువులపై ఎలా దాడి చేయాలో నేర్పిస్తుంది. ఒంటరి ఖైదు అనుభవిస్తున్న గొరిల్లా తర్వాతి క్రమంలో గ్రిఫిన్‌కు మంచి మిత్రుడిగా మారి అతనికి సహకరిస్తుంది. ఒక ఆడదాని మనసు ఇంకో ఆడదానితో కలిసి గెలుచుకోవాలని ఆడసింహం తెలియజేస్తుంది. దాంతో గ్రిఫిన్, డేవ్ పెండ్లి విందుకు తనతో డేటింగ్‌కు రావాలని జూ డాక్టర్ కేట్‌కు ప్రతిపాదిస్తాడు. ఆ విందులో గ్రిఫిన్, కేట్ చాలా సంతోషంగా గడిపేస్తారు. తన జీవితంలో ఇంత బాగా ఆనందించిన రోజులు లేవని కేట్ తెలియజేస్తుంది. తన చేష్టలతో స్ట్ఫోనియాను ఆకర్షించిన గ్రిఫిన్‌ను, ఆమె డిన్నర్‌కు పిలుస్తుంది. ఆమె జూ కీపర్ పని తనకు నచ్చదని తెలుపగా వెంటనే ఆ ఉద్యోగాన్ని వదిలి డేవ్‌తో కలిసి పని చేయాలనుకోవడంతో కేట్ బాధపడుతుంది. ఇక ఆమె అక్కడ ఉండలేక ఆఫ్రికాలోని జూలో పనిచేయడానికి వెళ్లిపోతుంటుంది. అక్కడ గ్రిఫిన్ డీలర్‌గా పేరు సంపాదించుకున్నప్పటికీ, తనకు నచ్చిన జూ జీవితాన్ని పోగొట్టుకున్నానని గ్రహిస్తాడు. ఇప్పుడు స్ట్ఫోనియా మనసు మార్చుకుని గ్రిఫిన్‌కోసం రాగా, అతను తిరస్కరిస్తాడు. వెంటనే జూకి వచ్చి పాత మిత్రుల్ని, తర్వాత జంతువుల్ని కలుస్తాడు. ఆ జంతువులు ఇప్పుడే కేట్ వెళ్లిపోయిందని చెప్పగా గెరిల్లా సహాయంతో ఆమెని వెంటాడి చేరుకుని, ఆమెపట్ల తనకుగల ప్రేమను వెల్లడిస్తాడు. కట్ చేస్తే, ఇద్దరు దంపతులుగా కలిసి జూలో పనిచేస్తుండడాన్ని చూపిస్తూ సినిమా ముగుస్తుంది.
ఈ సినిమా చిత్ర నిర్మాణంలో నటించిన జంతువులను బాగా హింసించారని, అందువల్ల ఈ సినిమాను ఎవరూ