చాలామందికి డబ్బు సంపాదించడం వచ్చు. అయినప్పటికీ డబ్బు సంపాదించడమే వాళ్లు జీవితం అనుకోరు. అలాంటి తెలివైన నిరుద్యోగి గాంధీ. పేదవాళ్లని చులకనగా చూస్తూ పేదరికాన్ని అవమానించే ధన అహంకారి రామ్మోహనరావు. వీళ్లిద్దరి మధ్య నడిచిన పోరాటమే ‘డబ్బు టు ది పవర్ ఆఫ్ డబ్బు’.
తన ఫ్యాక్టరీలో మేనేజర్ పోస్ట్కు, టైపిస్ట్ పోస్ట్కు, బంట్రోతు పోస్ట్కు అర్హత గల అభ్యర్థులు కావాలని ఓ పత్రికలో ప్రకటన ఇస్తాడు రామ్మోహనరావు. నిజానికి అతని కంపెనీలో బంట్రోతు ఉద్యోగం మాత్రమే ఖాళీ ఉంటుంది. మరి మిగతా రెండు పోస్ట్లకు ప్రకటన ఎందుకు? అదే విషయం ఆరా తీస్తుంది అతని కూతురు హారిక. రామ్మోహనరావు పొగరుగా నవ్వేస్తాడు.
‘ఏ పోస్ట్కు ఎంతమంది అప్లయ్ చేస్తారో చూద్దాం అని సరదాగా చేశా’నంటాడు.
అన్ని పోస్ట్లకు లెక్కకు మించిన అప్లికేషన్స్ వస్తాయి. బంట్రోతు పోస్ట్కు మాత్రం ఒక్కటే అప్లికేషన్ వస్తుంది. అది కూడా స్టాంపులు లేకుండా! ఆ దరఖాస్తుదారుని పేరు గాంధీ. స్టాంపుల్లేని కవర్ పంపి... ఎదురు డబ్బు కట్టించి ఆ కవర్ తీసుకునేటట్లు చేసిన గాంధీ పొగరుబోతుతనానికి తగిన శాస్తి చేయాలనుకుంటాడు రామ్మోహనరావు. గాంధీని పిలిపించి ఇంటర్వ్యూ చేయకుండానే వెళ్లిపొమ్మంటాడు. గాంధీ అహం దెబ్బతింటుంది. ‘‘ఓ తెలివైన కుర్రాడు తలుచుకుంటే డబ్బు సంపాదించడం పెద్ద కష్టం ఏమీ కాదు’’ అని ఛాలెంజ్ చేస్తాడు.
దమ్ముంటే ఐదేళ్లలో యాభై లక్షలు సంపాదించమని ప్రతిసవాల్ విసురుతాడు రామ్మోహనరావు. అది అసాధ్యం అని నమ్ముతాడు రామ్మోహనరావు. గాంధీ ఛాలెంజ్ని ఎంత తేలికగా తీసుకుంటాడంటే... అతను గనుక గెలిస్తే తన కూతురునిచ్చి పెళ్లి చేస్తానని పందెం కాస్తాడు.
అహం దెబ్బతిన్న గాంధీ ఈ ఛాలెంజ్ని సీరియస్గా తీసుకుంటాడు. ఐదేళ్లలో యాభై లక్షల రూపాయలు సంపాదించి రామ్మోహనరావు పొగరు అణగ్గొడతాడు
No comments:
Post a Comment