ఒక్కోసారి ఫ్లాష్బ్యాక్ల్లోకి వెళుతుండాలి. ఆ బ్లాక్ అండ్ వైట్
సంగతులు ఆసక్తి కలిగిస్తాయి కాబట్టి. అందుకే పదేళ్ల ఫ్లాష్బ్యాక్లోకి
వెళదాం. రవీంద్ర భారతిలో 'రాయి' నాటిక ప్రదర్శన జరుగుతోంది. 106 మంది
ఔత్సాహిక నటులకు శిక్షణనిచ్చి వారితో నాటకాలు వేయిస్తున్న ప్రత్యేక సందర్భం
అది.అప్పుడు రాయి నాటికలో పోలీస్ అధికారి పాత్ర వేసిన నటుడి డైలాగులు టపాకాయల్లా పేలాయి. వృద్ధిలోకి వస్తాడనుకుని చాలామంది అనుకున్నారు. గిర్రున పదేళ్లు తిరిగేసరికి ఆ నటుడు 'సీమటపాకాయ్'లా తెలుగు పరిశ్రమలో హాస్యం పేలుస్తున్నాడు. హీరో నరేష్ ఇప్పుడో పెద్ద నవ్వుల బాంబు. ఈ కామెడీ టపాకాయ్ చెబుతున్న సీమటపాకాయ్ విశేషాలతోపాటు, ఆ సినిమా దర్శకుడు జి. నాగేశ్వరరెడ్డి, నిర్మాత డా. విజయ ప్రసాదులు వివరిస్తున్న ఆసక్తికర సంగతులు చదవండి.
అయ్యబాబోయ్... డ్రమ్ములపై డాన్స్
- నరేష్ , హీరో
ఈ సినిమాలో కోటీశ్వరుని కొడుకు పేదవానిగా నటించాలి. ఈ పాత్ర నాకు బాగా సరిపోతుంది. నాలో పేదవాడు, ధనవంతుడు ఇద్దరూ ఉన్నారు. పధ్నాలుగేళ్ల వయసులో అనుభవించిన పేదరికం నిన్ననే అనుభవించినట్టుంది. నాన్న ఇవివి సత్యనారాయణ తీసిన 'చెవిలో పువ్వు' సినిమా ఫెయిలయింది. దాంతో మా పరిస్థితి దారుణమైపోయింది. మద్రాసు శివునిగుడివీధిలో మా నివాసం. ఒక చిన్నగదిలో ఉండేవాళ్లం.
నాన్న సిగరెట్కు డబ్బుల్లేకపోతే నా కిడ్డీబ్యాంక్ నుంచి చిల్లర తీసి కొనుక్కునేవారు. అలాంటి పరిస్థితిలో పెరిగిన నేను కొన్నేళ్ల తరువాత మళ్లీ బోలెడు సంపదను చూశాను. అందువల్ల 'సీమటపాకాయ్'లో ధనిక యువకుడు పేదవానిగా చేయాలని చెప్పగానే హోం వర్కు అవసరం లేకపోయింది. కానీ అందువల్ల 'ఐ లవ్ యు బేబీ' పాటకు మాత్రం చాలా కష్టాలు పడ్డాను. అదో పెద్ద కామెడీ జ్ఞాపకం.
*** అప్పటికే రెండు పాటలకు డాన్స్ చేసి ఉన్నాను. 'ఐ లవ్ యు బేబీ' గీతాన్ని పాప్ శైలిలో తీస్తామనీ, హీరో చిన్న పోజులిస్తే సరిపోతుందని దర్శకుడు నాగేశ్వరరెడ్డి చెప్పారు. దీంతో నేనూ చాలా రిలాక్స్ అయిపోయాను. అదే మైండ్సెట్తో సినిమా సెట్లోకి వెళ్లాను. హైదరాబాద్ అల్యూమినియం ఫ్యాక్టరీలో ఐ లవ్ యు బేబీ కోసం వేశారు ఆ సెట్ . ఆరోజు డాన్స్ మాస్టర్ ప్రేమ్ రక్షిత్, దర్శకుడు నాగేశ్వరరెడ్డి సెట్లో చాలా బిజీగా ఉన్నారు. ప్రేమ్ రక్షిత్ తన ఐపాడ్లో ఏదో చూపిస్తూ దర్శకునికి చెబుతున్నాడు. వాళ్ల బాధలేవో వాళ్లు పడుతున్నారనుకున్నాను. కానీ నన్ను ఓ నలభై డ్రమ్ముల మీద డాన్స్ చేయమంటార నుకోలేదు.
ఈ పాటను సీజీలో(కంప్యూటర్ గ్రాఫిక్స్)లో చేయాలి. ముందు నేను డాన్స్ చేస్తే అదే గెటప్ వెనుక ఉన్న మరో స్క్రీన్లో కనిపిస్తుంది. కాసేపు డాన్స్ చేస్తే గ్రాఫిక్స్లో మిక్స్ కావట్లేదు. షాట్ దొరకట్లేదు. దాంతో డాన్స్ మాస్టర్ పాటను కట్షాట్స్లో తీద్దామన్నారు. ఈ పద్ధతిలో ఒక స్టెప్ను తొమ్మిదిషాట్స్లో చేయాలి. ఏదైనా తేడా వస్తే అదే స్టెప్ను మరో తొమ్మిది సార్లు చేయాలన్నమాట. నా పిక్కల బలం ఏ రేంజ్లో ఉండాలో ఊహించుకోండి. ఫ్లోర్ మీద డాన్స్ మొదలైంది.
ఆ స్టెప్పులను డ్యాన్సర్లు రెండు గంటల నుంచి ఐదు గంటల వరకు ప్రాక్టీసు చేసారు. ఆపై నా వంతు. నేను ఐదు గంటల నుంచి ఆరు గంటల వరకు ప్రాక్టీసు చేశా. ఓకె అనుకుంటున్న సమయంలో ఫ్యాక్టరీలోకి రెండు లారీలు వచ్చాయి. వాటి నిండా నీళ్లు పోసే ఖాళీ డ్రమ్ములు. వాటిని సెట్లోకి తీసుకొచ్చి ఫ్లోర్పై పెట్టారు. అన్నిటినీ తాళ్లతో కట్టారు. ఇదంతా అయ్యాక డైరెక్టరొచ్చి ఆ డ్రమ్ములపై డాన్స్ చేయాలని చెప్పారు. కామెడీ కాకపోతే, డ్రమ్ముల మీద డాన్సేంటి సార్ అందామనుకున్నా. ఏమైతేనేం ఐదు రోజులు ఏకధాటిగా డ్రమ్ములపై గెంతగా....గెంతగా...ఐ లవ్ యు బేబి పాట పూర్తయింది. రామానాయుడు స్టూడియోలో తీసిన ఒకానొక సీన్ కూడా ఇలాగే నా గుండెల్లో రైళ్లు పరిగెత్తించింది.
***
దొమ్మరాట తెలుసు కదా. తాడుమీద నడక. ఎటువంటి ఆధారం లేకుండా ఒక చివరి నుంచి
మరో చివరకు వెళ్లాలి. ఈ బతుకాట రోడ్ల మీద చూస్తూనే ఉంటాం. ఇది చూడటానికి
బాగానే ఉన్నా, చేయాలంటే మాత్రం ఎంతో కష్టం. రామానాయుడు స్టూడియోలో షూటింగ్
ఏర్పాటు చేశారు. రెండు కర్రలకు బలమైన తాడు అటూ, ఇటూ కట్టారు. సినిమాలో
సీన్ ఏమిటంటే...తాడుపై నడుస్తున్న వ్యక్తి జారిపడిపోతాడు. అప్పుడు హీరోయిన్ మెప్పుకోసం నేను ఆ తాడుపై నడవాలి. నా నడుముకు, చేతులకు వీలైన చోటల్లా తాళ్లు కట్టారు. ఇన్ని జాగ్రత్తల మధ్య తాడుపై నేను నడవాలి. ఎప్పటికీ డైరెక్టర్ షాట్ ఓకె అనడే. నేనేమో తాడుపై నుంచి జారిపోతున్నా. నడవలేకపోతున్నా. దానికి తోడు ఆ తాడుపై నుంచి ఇంకా పైకెగరాలి. 10 గంటలకు షూటింగ్ మొదలైతే దాదాపు నాలుగైదు గంటలు తాడుపైనే నిల్చున్నా. సీన్ పూర్తయ్యాక ఎంత రిలాక్స్ అయ్యానో చెప్పలేను. ముద్దుసీన్ విషయంలోనైతే చర్చలు జరపడానికే రెండు రోజులు పట్టింది.
*** ఒక రోజు షూటింగ్ మధ్యలో దర్శకుడు నాగేశ్వర రెడ్డి వచ్చి లిప్ కిస్ గురించి చెప్పారు. నేను ఒప్పుకోలేదు. నా సినిమా చూడటానికి ఫ్యామిలీతో వస్తారు. కాసేపు నవ్వుకుంటారు. వెళ్లిపోతారు. అందుకే సినిమా ఎంపికలో నాకో లెక్క ఉంది. 80శాతం ఎంటర్టైన్మెంట్, 20శాతం కథ. ఇంతే నా సినిమా. అలాంటిది దర్శకుడొచ్చి ముద్దు అని చెప్పగానే వద్దని నిక్కచ్చిగా అనేశాను. ఆ సీన్తో సినిమా ఆడదు కదా అని వాదించాను కూడా.
దానికి బదులు మరింత కామెడీ తీద్దాం అన్నాను. ఆయన అన్ని రకాల సమాధానాలతో వచ్చారు. ముద్దంటే ఇమ్రాన్ హష్మి స్థాయిలో ఉండదని, హీరో హీరోయిన్ల మధ్య సున్నితమైన రొమాన్స్ కోసం ముద్దు అవసరమని దర్శకుడు చెప్పుకొచ్చారు. చివరికి సరే... అన్నానే గానీ మరో ఆలోచన కూడా ఉంది. ఒక వేళ బాగోలేకపోతే తీయించేద్దామని నిర్ణయించుకుని రెడీ అయ్యాను. కాని ఆ సీన్ రెండే రెండు షాట్స్లో ఓకె అయ్యింది. షూట్ చేసేటపుడు ఒకరో ఇద్దరో ఉన్నారంతే. ఇక నేను ఒక డ్రెస్ను చేతిలోకి తీసుకొన్నప్పుడు వణికిపోయిన సంఘటనయితే ఎప్పటికీ నన్ను వెంటాడుతూనే ఉంటుంది.
***
సినిమా ఆఖర్లో వచ్చే పేరడీ పాట షూటింగ్కు జరుగుతోంది. సాయంత్రం నాలుగు
గంటలు కావస్తోంది. ఇంటి దగ్గరి నుంచి ఫోన్ వచ్చింది. నాన్నను ఆసుపత్రికి
తీసుకువెళుతున్నామని. నేరుగా ఆసుపత్రికి వెళ్లాను. నాన్నలేని లోకం
ఊహించలేను. నా సినిమా విడుదలైనపుడు ఆయన పడే టెన్షన్ అంతా ఇంతా కాదు.
సినిమా ఎలా ఉందంటూ రాష్ట్రం నలువైపులా ఫోన్ చేసి కనుక్కోనిదే
మంచినీళ్లైనా ముట్టుకోరు. నా రోజు వారీ ఖర్చుకు కూడా డబ్బులు నాన్న
ఇవ్వాల్సిందే. నాన్న తరువాత ఇపుడు అమ్మ ఇస్తున్నారు. అలాంటి నాన్న
దూరమవ్వడం భరించలేకపోయాను. ఇదంతా అయ్యాక కొన్నాళ్లకు మళ్లీ షూటింగ్ మొదలైంది. మధ్యలో ఆగిపోయిన పేరడీ పాటతోనే షూటింగ్ మొదలైంది. ఏ డ్రెస్తో పాట తీస్తుంటే సినిమా మధ్యలో ఆగిపోయిందో అదే మళ్లీ ఇచ్చారు. దాన్ని తీసుకుంటుంటే చేయి వణికిపోయింది. నాన్న గుర్తొచ్చి కళ్లలో నీళ్లు. మాట గద్గదమైపోయింది. ఎవరికీ చెప్పుకోలేను. సెట్లో అందరూ రెడీగా ఉన్నారు. కాసేపు అలాగే నిల్చుండిపోయాను. మామూలు స్థితికి రావడానికి కొంత సమయం పట్టింది. సినిమాలో ఆ ఎపిసోడ్ క్లైమాక్స్లో వస్తుంది. అదెంతో ఎనర్జటిక్గా ఉండాలి. అందుకని బాధనంతా లోపలే ఉంచుకుని చేసిన సీన్ అది. సినిమాలో దాన్ని చూసుకున్నపుడు ఎంతో సంతృప్తి కలిగింది.
ఆ ఇంటి కోసం15 ఇళ్లు తిరిగా...
- దర్శకుడు జి. నాగేశ్వరరెడ్డి
'సీమటపాకాయ్'లో హీరో ఇల్లు రిచ్గా ఉండాలి. షూటింగ్లో మేజర్ పార్టు అక్కడ ఉంటుంది. అందుకని ఖరీదైన మంచి ఇంటి కోసం వేట మొదలెట్టా. మంచి ఇల్లు దొరికినా బాగుంటే లోపల క్రేన్, జిమ్మీలు తిరగడానికి చోటు ఉండదు. ఇలా దాదాపు 15 ఇళ్లు తిరిగేసాను. అన్నిటికీ సరిపోయే ఇల్లు మాత్రం దొరకలేదు. అలాంటి సమయంలో 'సింహా' సినిమా విడుదలయ్యింది. అందులో హీరో నివసించే ఇల్లు బాగుంది. ఆ సెట్ రామోజీ ఫిలింసిటీలో వేశారని తెలిసింది. చూసొద్దామని వెళ్లాను. ఆ సెట్ డోర్ తెరవగానే నా అన్వేషణ ముగిసింది. ఇంటి తరువాత అత్యధికంగా తిరిగింది -పాత చిరిగిపోయిన బట్టల కోసమే.
***
హీరో కుటుంబం మొత్తం పేదోళ్ల గెటప్లోకి మారిపోవాలి. నిజానికి వీళ్లంతా
కోటీశ్వరులు. పేదవారుగా మారినపుడు వాళ్లు ధరించడానికి బట్టలు కావాలి. అవి
పాతగా ఉండాలి. వీటికోసం హైదరాబాద్లోని అమీర్పేట, లక్డీకాపూల్, మణికొండ
ప్రాంతాల్లో పాత బట్టలు అమ్మేవారిని సంప్రదించాను. నేనే స్వయంగా తిరిగి
కొనుక్కొచ్చి వాటిని మరింత పాతగా మార్చే పనిలో పడ్డాను. అందుకోసం
కొన్నిటిని చింపడం, బురద అంటించడం కూడా జరిగింది. ఇలా చేశాక నటీనటులు
ధరించరేమోనని ఒకానొక దశలో అనుమానమొచ్చింది. కాని నా అంచనా తలకిందులైంది.
సెట్లో అందరూ ఒకటే నవ్వులు. అది చూసి హమ్మయ్య అనుకున్నాను. దీనికంటే ముందు
ఊపిరిబిగబట్టిన సంఘటన మరొకటుంది.*** 'అల్లరి' సినిమా నుంచి నరేష్తో అనుబంధం ఉంది. అప్పట్లో నరేష్తో సినిమా తీయడానికి ఎన్నో ప్రయత్నాలు చేశాను. అయినా వీలుకాలేదు. ఎందుకంటే నా దగ్గర ఉన్నది 'సీమశాస్త్రి' కథ. అది కొంచెం బడ్జెట్తో కూడిన వ్యవహారం. ఆరేడుగురు నిర్మాతలను కలుసుకున్నాక సీమశాస్త్రి సెట్మీదికి వెళ్లింది.
'సీమటపాకాయ్'కు ఆ కష్టం రాలేదు. కానీ నిర్మాత, హీరోకే కాదు ఇంకొకరికి కూడా ఆ కథ నచ్చాలి. ఆయనే -ఇవివి సత్యనారాయణ. అక్కడ ముద్ర పడితే సినిమా విజయం సాధించినట్టే. ఇవివిని కలిసి రెండు గంటలపాటు కథ చెప్పాను. అంతా విని హిట్ అవుతుందని అన్నారు. అది విని ఊపిరి తీసుకున్నాను. తరువాత ఒక తమిళ యాడ్లో పూర్ణను చూసి కబురుపెట్టాం. ఆమె వచ్చాక ఇవివి సత్యనారాయణ చూసి ఓకె చేశారు. ఇవివి ఎంపిక చేసిన ఆఖరి సినిమా సీమటపాకాయ్ అయితే, ఆఖరి హీరోయిన్ పూర్ణ.
*** 'సింహాసనం' సినిమాలోని 'ఆకాశంలో ఒక తార' పాటను రీమిక్స్ చేద్దామన్నపుడు మొదట హీరోనరేష్, నిర్మాత విజయ ప్రసాద్ ఇద్దరూ ఆసక్తి చూపలేదు. పద్మాలయా సంస్థ దగ్గరి నుంచి అనుమతి వచ్చాక కూడా ఎలా తియ్యాలా అని ఆలోచన . ' పిడుగురాముడు' సినిమాలో ఎన్టీఆర్ గెటప్ను నరేష్కు వేశాక సంతృప్తి కలిగింది. ఈ పాట మధ్యలో యుద్ధం పెట్టాలనుకున్నాను. ఎందుకంటే భిన్నంగా ఉండకపోతే ప్రయత్నం విఫలమై అందరూ తిట్టుకుంటారు కాబట్టి.
ఇదంతా చిత్రీకరించడానికి భారీ స్థలం కావాలి. అందుకోసం ఫిలింసిటీకి ఐదు కిలోమీటర్ల దూరంలోని 500 ఎకరాల స్థలంలో యుద్ధం ఎపిసోడ్ చిత్రీకరించాము. గుర్రాలు, రథం, సైనికులు వేసుకున్న దుస్తులన్నిటినీ హైదరాబాద్ పాతబస్తీలో నేనే వెళ్లి ఎంపిక చేసుకున్నాను. యుద్ధం సీన్ అయ్యాక, పాటలో మరికొంత భాగాన్ని ఫిలింసిటీలో ఉన్న 'చంద్రముఖి' సినిమా ఇంటి సెట్లో తీసాము. ఈ పాట కోసం ముంబై నుంచి ప్రత్యేకమైన లైట్లను కూడా తెప్పించుకున్నాము. బ్యాక్గ్రౌండ్ కోసం ఆ లైటింగ్ వాడాము.
కామెడీ, సందేశం కావాలని...
- నిర్మాత డా. విజయప్రసాద్ మళ్ల
మా బ్యానరులో సీమటపాకాయ్ మూడో సినిమా. ఇంతకు ముందు 'సీతారాముల కళ్యాణం లంకలో' అనే సినిమా నిర్మించాను. దీని తరువాత కథ కోసం నేనూ, ప్రొడక్షన్ మేనేజర్ వర్మ వెతుకుతున్న సమయంలో సన్నిహితుడు అమ్మిరాజు సీమటపాకాయ్ గురించి చెప్పారు. దర్శకుడు నాగేశ్వరరెడ్డి కథ చెప్పాక అన్ని విధాలా నచ్చింది. ఇందులో కామెడీ, సందేశం రెండూ ఉన్నాయి. 'ఆకాశంలో ఒక తార' పాట షూటింగ్ జరిపేటపుడు ఎక్కడా రాజీ పడొద్దని చెప్పాను. ఆ ఒక్క పాటకే 60 లక్షల రూపాయల ఖర్చు అయ్యింది. దీని తరువాత ఎక్కువ దృష్టి పెట్టింది 'ఐ లవ్ యు బేబీ ' పాట కోసం. ఈ పాటకు కంప్యూటర్ గ్రాఫిక్స్ చేయించడంతో 25 లక్షల వ్యయం అయ్యింది. మొత్తం సినిమా అరవైరోజుల్లో ఆరుకోట్ల రూపాయల వ్యయంతో పూర్తైంది.
ముద్దంటే ఇమ్రాన్ హష్మి స్థాయిలో ఉండదని, హీరో హీరోయిన్ల మధ్య సున్నితమైన రొమాన్స్ కోసం ముద్దు అవసరమని దర్శకుడు చెప్పుకొచ్చారు. చివరికి సరే... అన్నానే గానీ మరో ఆలోచన కూడా ఉంది. ఒక వేళ బాగోలేకపోతే తీయించేద్దామని నిర్ణయించుకుని రెడీ అయ్యాను. కాని ఆ సీన్ రెండే రెండు షాట్స్లో ఓకె అయ్యింది. షూట్ చేసేటపుడు ఒకరో ఇద్దరో ఉన్నారంతే.
నాగచైతన్య హీరోగా 'జోష్' సినిమా విడుదలైన కొన్ని రోజులకు ఈ కథను నేను
అల్లు అరవింద్కు వినిపించాను. ఆయనకు నచ్చింది. దీనికి ఒక కొత్త హీరో అయితే
బాగుంటుందని ఆయనే సూచించారు. ఒక ఇమేజ్ అంటూ ఏర్పడని వారిలో నాగచైతన్య
అయితే బెటర్ అనుకున్నాం. నాగచైతన్యకూ కథ నచ్చింది. అతని పక్కన హీరోయిన్గా
తమన్నా సరిపోతారని డిసైడ్ అయ్యాం. ఇదొక సున్నితమైన కథ.
ఎక్కువ శాతం కష్టం ఐటమ్ సాంగ్ కోసమే...
1940: యువత తపన -దేశానికి స్వాతంత్య్రం
తీసుకునే ఫిలాసఫీ:
***
హీరో తనకు నచ్చకపోవడంతో హీరోయిన్ తండ్రి అతనిపైకి రౌడీలను పంపించడం వల్ల
జరిగే ఫైట్ ఆస్ట్రేలియాలో తీయాలి. ఇక్కడైతే రౌడీల చేతిలో కర్రలు, కత్తులు
చూస్తాం. అదే ఆస్ట్రేలియాలో అయితే ఏం ఉందా? దీనికి పీటర్ హెయిన్స్ ఒక ఆలోచన
చెప్పారు. ప్లాన్ బాగుంది కాని అది వర్కవుట్ అవుతుందా అవదా అన్న భయం
కలిగింది. ఎందుకంటే పీటర్ హెయిన్స్ ఆ ఫైట్ను 'పార్కోస్'( గోడల మీద
దూకేవాళ్లు)తో ప్లాన్ చేశారు. 
టేక్ -5
ప్రేమించిన అమ్మాయికి తన ప్రేమను తెలపడానికి ఏళ్లు గడిచే రోజులు పోయాయి.
ఇప్పుడన్నీ నిమిషాల్లో జరిగిపోవాలి. కలవడమైనా...విడిపోవడమైనా. మనసులో
పుట్టింది ప్రేమా లేక ఆకర్షణా..తెలుసుకునేలోపే జరగాల్సినవన్నీ
జరిగిపోతున్నాయి.
ముప్పై ఏళ్ల క్రితం ప్రేమ ఎంత స్వచ్ఛంగా ఉండేదో, ఇప్పుడంత అయోమయంగా
మారింది. డేటింగ్, బ్రేకప్లతో సాగే మోడ్రన్ ప్రేమికులకి నిజమైన ప్రేమ
విలువను తెరమీద చూపించడం కోసం 'తీన్మార్' తీసామంటున్నారు నిర్మాత గణేశ్. ఈ
సినిమాలో పవన్ కళ్యాణ్ మొదటిసారి ద్విపాత్రాభినయం చేసి క్లాస్ని, మాస్ని
మెప్పించే ప్రయత్నం చేశాడు. మెప్పించినట్టే ఉన్నాడు. ఇది హిందీ రీమేక్
సినిమా అయినా దీని వెనక కూడా బోలెడు సంగతులున్నాయి. అవే ఈ రోజు మేకింగ్ ఆఫ్
ద మూవీ.
చాలా భయపడ్డాను...
రాజమౌళి, వివి వినాయక్, సురేందర్, పైడిపల్లి వంశీ, బోయపాటి శీను
-వీళ్లెవరూ 'శక్తి' సినిమా దర్శ కులు కాదు. కాని అన్నపూర్ణ స్టూడియోలోని
మొదటి అంతస్తులో జరుగుతున్న శక్తి షూటింగ్కు తరచూ వెళ్లేవాళ్లు. షూటింగ్
గురించి అడిగి తెలుసుకునే వాళ్లు. కారణం -అక్కడి కాళికాదేవి ఆలయం సెట్.
అష్టాదశ శక్తి పీఠాలకు కేంద్రమైన కాళికాదేవి ఆలయం సెట్ను కళా దర్శకుడు
ఆనంద్సాయి అక్కడ నిర్మించారు. శక్తి అనే సోషియో ఫాంటసీ సినిమాలో
కాళికాదేవి ఆలయంతోపాటు ఇంకా ... ఈజిప్ట్ రాజభవనాలు, ఆభరణాలు, గుహలు,
జైపూర్ వీధులు, హంసల సొగసులు కనిపించొచ్చు కానీ, ఆనంద్ సాయి సృష్టించిన ఈ
కళాఖండాలేవీ ఫాంటసీ కాదు...
***
అశ్వనీదత్, మెహర్ రమేష్, నేను ముగ్గురం కూర్చున్నాం. రామోజీ ఫిలింసిటీలో
అయితే స్థలం ఎక్కువ ఉంటుంది కాబట్టి అక్కడే బాగుంటుందని దర్శక నిర్మాతల
అభిప్రాయం. నేను అంత స్థలం అక్కర్లేదని చెప్పాను. అన్నపూర్ణ స్టూడియోలోని
మొదటి అంతస్తు గురించి వివరించాను. ఒప్పుకున్నారు. ఇంతకు ముందే అక్కడ
చాలామంది ఆర్ట్ డైరెక్టర్లు స్వర్గం, యమలోకం, కొన్ని దేవాలయాల సెట్స్ వేసి
మెప్పించి ఉన్నారు. 
***
అష్టాదశ శక్తి పీఠాలను ప్రతిబింబించే పద్దెనిమిది స్తంభాలు, వాటి మధ్యన
కాళికాదేవి విగ్రహం చేయాలి. ఏ విగ్రహం లోనైనా కాళికాదేవి నాలుక బయటకు
ఉంటుంది. ముఖం రౌద్రంగా ఉంటుంది. అయితే నేను తయారు చేసిన విగ్రహం
ప్రసన్నవదనంతో ఉండేలా చూసుకున్నాను. దానికోసం చాలా షేడ్స్ తయారు చేశాను.
పద్దెనిమిది స్తంభాలు అష్టాదశ శక్తుల్ని ప్రతిబింబించేలా ఉంటాయి. వాటిపై
ఆయా శక్తి స్వరూపాల బొమ్మలు చెక్కాను. క్లైమాక్స్లో అవసరార్థం అవన్నీ
ఒకవైపుకి పడిపోవాలి.
***
ఈజిప్ట్, కాశ్మీర్, హరిద్వార్, జైపూర్, రాజస్థాన్ ఎడారి - శక్తి సినిమాలో
ఇవన్నీ ఉంటాయి. మెహర్ 'శక్తి' కథ నాతో చెప్పినపుడు ఇదంతా వినడానికి
బాగున్నా వీటిని చూపించడానికి, ఆ లొకేషన్స్లో షూటింగ్ చేయడానికి చాలా కాలం
పడుతుందని, ఖర్చెక్కువవుతుందని అన్నాను. అశ్వనీదత్ చేయగలమన్నారు. అందులో
ఈజిప్ట్ బ్యాక్ గ్రౌండ్ సినిమాకు అతికినట్టు సరిపోవాలన్నారు. అందువలన
ఈజిప్ట్ పిరమిడ్లు చూడటంతోపాటు, అక్కడి ఇంటీరియర్ను నేను స్కెచ్ గీసుకుని
వచ్చాను. ఈజిప్ట్లో మూడు రోజులు ఇదే పని. ఈజిప్ట్ పిరమిడ్లు ఉండే చోట
అవుట్డోర్ షూటింగ్ చేసుకోవచ్చనిపించింది.
టేక్ -10
వంద అబద్దాలాడైనా ఒక కల్యాణం జరిపించొచ్చన్నారెవరో. కాని 'మ్యాచ్
ఫిక్సింగ్' పెళ్లి అందులో ఉందో లేదో. దర్శకునిగా తన మొదటి సినిమా ఒక హాస్య
వివాహ చిత్రం అవుతుందని వీరభద్రమ్ కూడా అనుకోలేదు.
***
పెళ్లి నేపథ్యంగా హాస్యంతో నిండిన సినిమా ఇది. కాబట్టి 'అహ నా పెళ్లంట' అని
పెడితే బాగుంటుందనుకున్నాము. కాని సమస్యేమిటంటే ఆ టైటిల్ రామానాయుడిది.
అందుకే ఆయన్ని కలిసాము. అభ్యంతరం వ్యక్తం చేయకుండా పెట్టుకోమన్నారు. ఈ
టైటిల్నే ఎందుకు కోరుకున్నామంటే సహజంగా పెళ్లి రెండు రకాలు -ఒకటి పెద్దలు
నిశ్చయించేది. రెండోది ప్రేమ పెళ్లి. ఇందులో ఈ రెండూ ఉండవు. ఇదో ఫిక్సింగ్
పెళ్లి.
బిజీ బాలరాజు కామెడీ పంచ్
కొత్తగా చూపించాం : అచ్చిరెడ్డి
'ఇషా ఒక పాటలో నువ్వు చీర కట్టుకుని వర్షంలో డ్యాన్సులు చెయ్యాలి..'
అన్నారు డైరెక్టర్. నాకు చీర కట్టుకోవడం ఇదివరకే అలవాటు. నేను పంజాబీ
అమ్మాయిని కదా! చీరకట్టుకుని వానలో తడిసినా ఎలాంటి ఇబ్బంది పడకుండా
డ్యాన్స్ చేయగలిగాను. ఈ పాట సినిమాను ఒక మలుపు తిప్పుతుంది. అప్పటి వరకు
సీరియస్గా సాగే కథతో ప్రేక్షకులకు కాస్తంత రిలీఫ్ కూడా ఇస్తుంది. కథలో
అప్పటి వరకు స్టూడెంట్గా ఉన్న నేను చీరకట్టులో కనిపించే సరికి సినిమాకు
బలం వస్తుంది. ఈ సినిమాలో నేను కాలేజ్లో స్టూడెంట్గా, ఇంట్లో కూతురిగా,
బయట ప్రేమికురాలిగా నటించాలి. ఈ పాత్రలన్నీ నా బాడీ లాంగ్వేజ్కు
సరిపోతాయనే నన్ను ఎంపిక చేసుకున్నారు.
అమ్మాయి, అబ్బాయి కలుసుకున్నారు. అతను ప్రేమలో పడ్డాడు. ఆమెకు అప్పటికే
వేరొకరితో వివాహం నిశ్చయమైపోయింది- ఇలా కథను చెబితే కాసేపయ్యాక
వింటున్నవారే క్లైమాక్స్ చెప్పేస్తారు. ఎలా? అని ప్రశ్నిస్తే ఎన్ని
సినిమాలు, ఎన్ని సీరియల్స్ చూడటం లేదూ? అంటూ ఎదురు ప్రశ్నిస్తారు. ఇలాంటి
కథనే చక్కని సన్నివేశాల స్క్రీన్ప్లేతో చెబితే అది అలామొదలైంది సినిమా
అవుతుంది. ఈ సినిమాకు క్యాప్షన్ ఎ క్రేజీ లవ్ స్టోరీ. కాని సినిమా చూసిన
ఎవరైనా ఎ క్రేజీ స్క్రీన్ప్లే అనే అంటారు.
జాన్ అబ్రహాం (ఆశిష్ విద్యార్థి)మొదట్లో లేడు...
యాంటీ క్లైమాక్స్ కానీ హ్యాపీ ఎండ్...
- నిర్మాత దామోదర్ ప్రసాద్