యమదొంగ

ఈ సోషియో ఫాంటసీ సూపర్‌హిట్ చిత్రానికి ఎస్.ఎస్.రాజమౌళి దర్శకత్వం వహించారు. రాజా (ఎన్.టి.ఆర్)పేరుమోసిన దొంగ. మహి(ప్రియమణి) ధనవంతుల ఇంట్లో పుట్టినా చిన్నతనంలోనే తల్లిదండ్రులను కోల్పోయి మేనమామల దగ్గర బాధలు పడుతుంటుంది. మహి పేరుమీదున్న ఆస్తిని ఆమెను చంపి ఎలాగైనా చేజిక్కించుకోవాలని మేనమామలు ఎన్నో ప్రయత్నాలు చేస్తుండగా తప్పించుకొని రాజా ఆశ్రయం పొందుతుంది. కోట్లకు వారసురాలని తెలుసుకున్న రాజా ఆమెను వారి ఇంటికి పంపితే ఎక్కువ డబ్బు తీసుకోవచ్చని ఆశపడతాడు. కాని అక్కడకు వెళ్ళిన తరువాత ఆమెను డబ్బుకోసం ఎన్నో బాధలు పెడుతున్నారని తెలుస్తుంది. ఇంతకీ మహిని, ఆస్తిని కాపాడతాడా?